طريقه عمل سليبر للشتاء بالنول الدائري

طريقة عمل سليبر للشتاء بالنول الدائري

بسم الله الرحمن الرحيم

اليوم راح نعمل سليبر ..

الأدوات المطلوبة:

1- نول دائري احمر ذو 31 مسمار
ممكن نشتغل على المستطيل اذا كان عنا مسكة النول
2-ابرة النول -ابرة الخياطة
3-الخيط على حسب رغبتكم الكمية بعتقد من 100 الى 120 غرام

الية الشغل: قطعة مسطحة يعني الشغل باتجاهين متعاكسين من اليسار لليمين ومن اليمين لليسار

الغرزة المستخدمة : غرزة اللف (التويست)
يلا الخطوات:
1- نلف على 30 مسمار بطريقة E-wrap من اليسار الي اليمين

2- ثم نرجع برجوع ونلف من اليمين لليسار

ومنبدا بقلب الغرزة التحتية فوق الغرزة الفوقية

تمام لحد هوووون
هيك منكون اشتغلنا سطر

3- نشتغل 14 سطر بغرزة التويست بنفس الطريقة

5-الخيط هلا عند المسمار الاول

نحن الان اشتغلنا الجزء العلوي من السليبر

6- هلا لازم نختم 6 غرز الاولى
اشتغلي غرزة عدلة على المسمار 2 وانقليه على المسمار 1 واقلبي الغرزة وانقليها على المسمار 2 الفارغ

ونكمل هكذا بنفس الطريقة حتى نختم 6 غرز الاولى

7- نشتغل الان غرزة التويست لاخر السطر

8- ثم نرجع نكرر نفس طريقة الختم لاخر 6 غرز منشتغل غرزة عدلة على المسمار 29 ونقلها على المسمار 30 ونقلب وننقلها على المسمار 29 الفارغ

نكرر نفس الطريقة لنختم 6 غرز وبذكركم انو هاي الطريقة هي نفسها الطريقة لي منختم فيه القطعة المسطحة على النول وهذا الرابط تراجعوا الختم فيه

http://www.sarahknit.com/vb/showthread-t_6401.html

وهيك صار التنقيص عنا وباقي 18 غرزة على النول بس

9- نشتغل على 18 غرز المتبقية 18 سطر غرزة التويست
نحن هلا عم نشتغل من الكاحل حتى اصابع الرجل

ممكن تحسي انو شكلو غلط ههههههه متل ماحسيت انا بس ولايهمك لما نبدا بالخياطة رح يظهر معك الشكل مضبوط

[b]
الختم والخياطة:

الضمي ابرة الخياطة بالخيط

هلا بدنا نختم متل مامنختم بالقبعات عن طريق الزم ممكن من اول مسمار وممكن من اخر مسمار

نبدا ندخل الابرة داخل كل غرزة متل ماتعلمنا سابقا حتى يصيروا هيك

عند الوصول الى اخر غرزة منمسك الخيوط لي بتكون موجودة اخر الغرز حتى مايفلتو ومنشد الخيط حتى يزم

وطبعا مندخل الخيط داخل البلطوفة ونخفيه

نطوي البلطوفة بهالشكل

نلضم الابرة بالخيط

امسكي البلطوفة متل ماانا ماسكتها بالصورة وخيطي من مكان الزم الى اعلى البلطوفة لي هو على شكل حرف L مكان الزم هو مكان الاصابع لي تم التنقيص فيه

شايفة ايدي وين الى هذه المنطقة لازم تكون الخياطة

وبعدين قصي الخيط واخفي الخيوط
الان ضعي البلطوفة بهالشكل (منطقة ساق الرجل) الضمي الابرة وخيطي هذا الخط المستقيم لي بالاعلى من الطرف المفتوح

الان شوفي الابرة الملضومة بالخيط وين صارت ادخلي الابرة بالزاوية للبلطوفة من الخلف
حتى يتم قلب اعلى البلطوفة

وبعدين اعملي البوم بوم او زينيها متل ماانا زينتها بسلاسل بابرة الكروشيه وانا حبيت فكرة السلاسل اكتر انتو شو رايكم؟

انشالله يكون الشرح مفهوم وواضح