لسلام عليكم ورحمة الله وبركاته
ده شراب بشكل مختلف وسهل التنفيذ
نشوف الشرح
بصي ياجميل انتي هتشتغلي سلاسل بطول القدم من الكعب لقبل الصوابع
يعني لطول القدم ناقص 4 صوابع يد ثم تشتغلي عليهم في كل غرزه عمود واخر غرزه في السطر تشتغلي 6 عماويد في غرزه واحده
ثم تقلبي الشغل وتشتغلي تاني في كل غرزه عمود بحيث يكون السلاسل في وسط الاعمده واخر غرزه برضو تشتغلي فيها 6 عمود
ثم تقفلي السطر بغرزه منزلقه وتعملي سلسلتين وتبتدى سطر جديد كل غرزه عمود ماعدا الست عمدان اللي في غرزه واحده تشتغلي في كل غرزه عمودين علشان الشكل يلف معاكي ويبقي زى المفرش
ثم تخلصي الشطر وتقفليه وتقطعي الخيط
وتبتدىتشتغلي من نص الغرزعند الصوابع 5 سلاسل وتقفليهم في نفس الغرزه بمزلقه ثم تشتغلي سلسلتين
وتمسكيهم بمنزلقه في تالت عمود قبل السلاسل الخمسه ثم تبتدى تشتغلي في وسط السلاسل 10 عمدان وتمسكيهم بمنزلقه بعد 3 عمود بعد السلاسل الخمسه
ثم بعد كده تشتغلي سلسلتين وتمسكيهم قبل 3 عماويد ثم تشتغلي 4 عمود في تالت عمود من العشره اللي في السطر اللي تحت
ثم سلسله ثم 4 عمود في سادس عمود ثم سلسله ثم 4 عمود في تاسع عمود من السطر اللي تحت
ثم تمسكي العماويد بمنزلقه بعد 3عمود بعد السلاسل
ثم تشتغلي سلسلتين وتبتدى سطر جديد بانك تششتغلي 4 عمود في السلسله اللي في السطر اللي تحت ثم سلسله ثم 4 عمود
وهكذا الي ان يخلص السطر وتلات سطور بعده كمان ثم تعملي سلسلتين وتمسكيهم في تالت عمود من الاربعه الاولنيين
وتشتغلي علي قاعدة القدم كل غرزه فيها عمود من غير ماتزودى ولا تنقصي علشان يطلع حرف القدم الخلفي للشوز
الي ان توصلي للناحيه التانيه من الاربع عمدان اللي في نفس السطر تمسكي تالت عمود بمنزلقه
ثم تشتغلي سلسلتين وتمسكيهم بمنزلقه في تاني عمود من العماويد الاربعه التانيه
ثم تشتغلي علي العمدان اللي في السطر الاول كل غرزه عمود الي اخر السطر وتشتغلي سطرين كمان وبكده يكون الشوز خلص
يارب اكون قدرت افهمكم الطريقه ولو فيه اى سؤال اسئلو تاني ياقمرات
